(ភ្នំពេញ)៖ក្រោយពីមានក្រុមហ៊ុនបរទេសបានប្រើប្រាស់ឈ្មោះនិងម៉ាកសញ្ញារូបប្រាសាទអង្គរវត្តកាលពីខែកុម្ភៈ ឆ្នាំ២០២១កន្លងក្រសួងការបរទេសនិងក្រសួងពាណិជ្ជកម្មនៃព្រះរាជាណាចក្រកម្ពុជាបានសហការគ្នាដើម្បីទប់ស្កាត់ចំពោះការចរាចរណ៍លើទីផ្សារនៅបរទេសដែលប្រើប្រាស់រូបអង្គរវត្តគ្មានការអនុញ្ញាតពីកម្ពុជា។

ស្រាប់តែនៅថ្ងៃទី ១២ ខែកក្កដា ឆ្នាំ២០២១នេះ ក្រសួងការបរទេស និងកិច្ចសហប្រតិបត្តិការអន្តរជាតិនៃកម្ពុជាបានឲ្យដឹងថា៖ ក្រោមកិច្ចខិតខំប្រឹងប្រែងរបស់ក្រសួងទាំងពីរ និងកិច្ចសហការយ៉ាងជិតស្និទ្ធភាគីថៃ បានស្រាវជ្រាវរកឃើញថាក្រុមហ៊ុនដែលប្រើប្រាស់រូបសញ្ញាអង្គរវត្តមានឈ្មោះ Voyage India  (នៅប្រទេសឥណ្ឌា) ដែលដាក់ឈ្មោះលើផលិតផលថាAngkor wat Thia Hom Mali Jasmine Rice  ។

សេចក្ដីប្រកាសដដែលបានបន្ថែមទៀតថា  ក្រសួងបានឲ្យស្ថានទូតកម្ពុជាប្រចាំប្រទេសឥណ្ឌា ចាត់វិធានការតវ៉ាឲ្យក្រុមហ៊ុនខាងលើបញ្ឈប់ជាបន្ទាត់ចំពោះទង្វើលដែលប្រើឈ្មោះនិងរូបប្រាសាទអង្គរវត្តលើសំបកវេចខ្ចប់ដែលជាទង្វើលខុសនឹងច្បាប់ស្ដីពីម៉ាក ពាណិជ្ជនាម និងអំពើនៃការប្រកួតប្រជែងមិនស្មោះត្រង់ព្រមទាំងរំលោភលើអនុសញ្ញាទីក្រុងបារីស្ដីពីកិច្ចការពារកម្មសិទ្ធិឧហ្សាហកម្ម។

សមាគមសម្ព័ន្ធអ្នកសារព័ត៌មានដើម្បីសេដ្ឋកិច្ចជាតិ(ស.ស.ស)សង្កេតឃើញថា នៅតាមបណ្ដាយសង្គមមានប្រជាពលរដ្ឋបានបញ្ចេញមតិ និងការនឿយឆ្លល់យ៉ាងច្រើនចំពោះការដាក់ឈ្មោះនិងប្រើប្រាស់រូបភាពអង្គរវត្តលើផលិតផលមួយចំនួនដែលមានប្រភពពីបណ្ដារក្រុមហ៊ុនបរទេសជាច្រើនផងដែរ និងស្នើសុំឲ្យអាជ្ញាធរមានសមត្ថកិច្ចកម្ពុជាស្រាវជ្រាវចាត់វិធានការជាដើម។

សមាគមសូមជម្រាបជូនថា ករណីទាំងអស់នេះ ស្របតាមគោលបំណង បេសកម្ម និងទស្សនៈវិស័យរបស់សមាគមស្នើសុំឲ្យប្រជាពលរដ្ឋផ្ដល់ព័ត៌មាននិង ប្រភពមកសមាគមប្រសិនបើមានការវេចខ្ចប់ឬផលិតផក្នុងដើម្បីមានវិធានការចំពោះទង្វើលដែលរំលោភកម្មសិទ្ធិបញ្ញាស្របតាមច្បាប់ស្ដីពីម៉ាក ពាណិជ្ជនាមនិងអំពើនៃការប្រកួតប្រជែងមិនស្មោះត្រង់មិនស្មោះ ចូលរួមទប់ស្កាត់ជាបន្ទាន់ ជាពិសេសធ្វើឲ្យប៉ះពាល់សេដ្ឋកិច្ចជាតិយ៉ាងធ្ងន់ធ្ងរ។

យោងតាមច្បាប់តាមច្បាប់ស្ដីពីម៉ាក ពាណិជ្ជនាម និងអំពើនៃការប្រកួតប្រជែងមិនស្មោះត្រង់មិនស្មោះត្រង់មាត្រា៦៤ ចែងថាជនណាដែលក្លែងបន្លំពាណិជ្ជសញ្ញា សេវាសញ្ញា ម៉ាកសមូហភាពឬពាណិជ្ជនាមរបស់សហគ្រាសមួយផ្សេងទៀតដែលចុះបញ្ជីក្នុងព្រះរាជាណាចក្រកម្ពុជាដូចត្រូវផ្ដន្ទាទោសពិន័យ១លានទៅ២០លានរៀលនិងត្រូវផ្ដន្ទាទោសដាក់ពន្ធនាគារ១ឆ្នាំទៅ៥ប្រាំឆ្នាំឬទោសណាមួយនៃទោសទាំងពីរនេះ។

មាត្រា៦៥ ច្បាប់ស្ដីពីម៉ាក ពាណិជ្ជនាម ចែងថា ជនដែលត្រាប់តាមពាណិជ្ជសញ្ញា សេវាសញ្ញា ម៉ាកសមូហភាព ឬពាណិជ្ជនាមរបស់សហគ្រាសមួយផ្សេងទៀតដែលចុះបញ្ជីក្នុងព្រះរាជាណាចក្រកម្ពុជា គោលបំណងបំភ័ន្តសាធារៈជន ដូចមានចែងក្នុងមាត្រា២៣នៃច្បាប់ដដែល(ទង្វើអំពើនៃការប្រកួតប្រជែងមិនស្មោះត្រង់)ពិន័យ៥លានទៅ១០លាន និងផ្ដន្ទាសទោស១ខែទៅ១ឆ្នាំឬទោសណាមួយនៃទោសទាំងពីរនេះ។

សូមបញ្ជាក់ផងដែថា ជាលទ្ធផលក្រុមហ៊ុនឥណ្ឌាខាងលើបានបញ្ឈប់ការដាក់ឈ្មោះនិងរូបប្រាសាទអង្គរវត្តលើសំបកវេចខ្ចប់លើផលិតស្របតាមតាមការតវ៉ារបស់ស្ថានទូតកម្ពុជាប្រចាំប្រទេសឥណ្ឌាហើយ។

គួររំលឹកផងដែរថា សមាគម ស.ស.ស ឬហៅកាត់ស៣ បង្កើតឡើងមានគោលបំណង ដូចជា

–  បណ្ដុះបណ្ដាលអ្នកសារព័ត៌មានអំពីផលវិជ្ជមាននិងអវិជ្ជមានលើវិស័យសេដ្ឋកិច្ចជាតិ,កិច្ចការពារអ្នកប្រើប្រាស់,ការប្រកួតប្រជែងមិនស្មោះត្រង់, និង ច្បាប់ផ្សេងទៀត សំដៅការចូលរួមអភិវឌ្ឍន៍សង្គមដើម្បីផ្សព្វផ្សាយចំណេះដឹងទាំងនេះដល់ប្រជាពលរដ្ឋ,ពាណិជ្ជករ,សហគ្រិន និង ស្ថាប័ណ្ណផ្សេងទៀត។

–  ផ្សព្វផ្សាយអោយបានទូលំទូលាយនូវព័ត៌មាន ហានិភ័យនៃផលិតផលក្លែងក្លាយ,កិច្ចការពារអ្នកប្រើប្រាស់, ដំណោះស្រាយនិងវិធីការពារ។

–   សហការជាមួយស្ថាប័នមានសមត្ថកិច្ច ដើម្បីចូលរួមទប់ស្កាត់រាល់បទល្មើសផលិតផលក្លែងក្លាយដែលមានហានិភ័យខ្ពស់ដល់ប្រជាពលរដ្ឋ។

សមាគមនេះ មានបេសកកម្មនិងទស្សៈវិស័យមួយចំនួនផងដែរ៖

– ចូលរួម និង សហការបង្កើតកិច្ចការងារបណ្ដុះបណ្ដាល,សិក្ខាសាលា,សន្និសិទ្ធិ,បទបាឋកថាដល់អ្នកសារព័ត៌មាន អោយយល់ដឹងអំពី កិច្ចការពារអ្នកប្រើប្រាស់,ការប្រកួតប្រជែងមិនស្មោះត្រង់,ច្បាប់ផ្សេងៗ និងចែករំលែកចំណេះដឹងទូទៅអំពីផលវិជ្ជមាននិងអវិជ្ជមានលើវិស័យសេដ្ឋកិច្ចជាតិសំដៅហុចផលប្រយោជន៍ដល់ ប្រជាពលរដ្ឋ សហគ្រិន និងស្ថាប័នពាក់ព័ន្ធ។

–ផ្សព្វផ្សាយព័ត៌មានពិតអំពីការប្រយុទ្ធប្រឆាំងផលិតផលក្លែងក្លាយនិងព័ត៌មានដែលបម្រើដល់សេដ្ឋកិច្ចជាតិ។

–ចូលរួមសហការជាមួយអាជ្ញាធរមានសមត្ថកិច្ចនិងផ្ដល់ព័ត៌មានអំពីផលិតផលក្លែងក្លាយ,កិច្ចការពារអ្នកប្រើប្រាស់ និងការប្រកួតប្រជែងមិនស្មោះត្រង់ដើម្បីរីកចម្រើនសេដ្ឋកិច្ចជាតិ។

–ចូលរួមសហការជាមួយបណ្តាដៃគូ អង្គការ សមាគម ស្ថានទូតនិង អង្គភាពផ្សេងទៀតដើម្បីសិក្សាស្រាវជ្រាវស្វែងយល់អំពីការផលិត,រោងចក្រ,សហគ្រាសលើគ្រប់វិស័យ ទាំងក្នុងស្រុក និងក្រៅស្រុក ដើម្បីជួយអភិវឌ្ឍន៍សេដ្ឋកិច្ចជាតិ។

ហើយរទស្សនៈវិស័យរបស់សមាគមចង់ឃើញអ្នកសារព័ត៌មានយល់ដឹងអំពីកិច្ចការពារអ្នកប្រើប្រាស់ ប្រកួតប្រជែងមិនស្មោះត្រង់, ផលិតផលពិតនិងផលិតផលក្លែងក្លាយ ដើម្បីផ្សព្វផ្សាយអោយបានទូលំទូលាយ ដល់ ប្រជាពលរដ្ឋ ពាណិជ្ជករ និង ស្ថាប័នពាក់ព័ន្ធ៕