ការិយាល័យមេធាវី BT គ្រោងនឹងបើកវគ្គបណ្តុះបណ្តាលស្ដីពីហានិភ័យផ្លូវច្បាប់ក្នុងវិស័យអចលទ្រព្យវគ្គថ្ងៃទី១៦ខែតុលា ឆ្នាំ២០២០ខាងមុខ

(ភ្នំពេញ ) ៖សកម្មភាពទិញអចលនទ្រព្យដូចជា ដីធ្លី ផ្ទះ និងខុនដូ បានកើនឡើងគួរឲ្យកត់សម្គាល់ ហើយមានក្រុមហ៊ុនមួយចំនួនជួបបញ្ហាផ្សេងៗ ក្នុងហានិភ័យទាំងនោះរួមមាន ហានិភ័យអ្នកអភិវឌ្ឍន៍ ហានិភ័យភ្នាក់ងារលក់ ហានិភ័យម្ចាស់គំរោង ចំណុចទាំងនេះ គឺជាក្ដីកង្វល់មួយ នៅពេលអ្នករកស៊ីវិស័យអចលនទ្រព្យជួបប្រទះហានិភ័យដែលធ្វើឲ្យមានការធ្លាក់ចុះវិស័យអចលនទ្រព្យភាគច្រើន។

តើហានិភ័យឣ្វីខ្លះដែលកើតមានចំពោះម្ចាស់គំរោង ឬឣ្នកឣភិវឌ្ឍន៍ និងភ្នាក់ងារលក់ឣចលនទ្រព្យ? តើសិក្ខាកាមដែលចូលរួមយល់ដឹងនិងទទួលអត្ថប្រយោជន៍អ្វីខ្លះបន្ទាប់ពីចូលរួមវគ្គបណ្ដុះបណ្ដាលនេះ? ដោយសារមានសំណូមពរ និងតម្រូវការចាំបាច់ជាច្រើនទៅលើចំណេះដឹងវិស័យអចលនទ្រព្យ ការិយាល័យមេធាវី BT បានរៀបចំបើកវគ្គបណ្ដុះបណ្តាលស្ដីពីហានិភ័យផ្លូវច្បាប់ក្នុងវិស័យអចលនទ្រព្យវគ្គ ថ្ងៃទី ១៦ ខែ តុលា ឆ្នាំ ២០២០ខាងមុខ ដែលប្រព្រឹត្តទៅនៅថ្ងៃទី ១០ ខែ តុលា ឆ្នាំ ២០២០ រយៈពេល១ថ្ងៃពេញគឺវេលាម៉ោង ៨:០០ព្រឹក ដល់ម៉ោង៥:០០ល្ងាច ទីតាំង ការិយាល័យមេធាវី ប៊ីធី គោលបំណងនៃវគ្គនេះគឺ ចង់ឃើញសិក្ខាកាមដែលចូលរួមទទួលបានចំណេះដឹងអំពីផ្លូវច្បាប់លើវិស័យ អចលនទ្រព្យ ហានិភ័យម្ចាស់គំរោង ឬ អ្នកអភិវឌ្ឍន៍ ហានិភ័យភ្នាក់ងារលក់។

បើយោងតាមប្រសាសន៍បស់លោកមេធាវី ជុំ សុគង់ ជាប្រធានការិយាល័យមេធាវី ប៊ីធីបានអោយដឹងថាសិក្ខាកាមចូលយល់ដឹងពីវិធីសាស្រ្តក្នុងការរកស៊ី,ហានិភ័យ  និង  ការកសាងប្រព័ន្ធច្បាប់ផ្សេងៗអោយកាន់រឹងមាំ ដែលអ្នកចូលរួមនិងទទួលបានចំណេះដឹងដូចជា ៖

– ហានិភ័យផ្លូវច្បាប់ក្នុងវិស័យអចលនទ្រព្យ

–  ប្រព័ន្ធច្បាប់ក្នុងវិស័យអចលនទ្រព្យ

–  ហានិភ័យម្ចាស់ដីលក់/ទិញ ហានិភ័យម្ចាស់គំរោង

–  ហានិភ័យអ្នកវិនិយោគ និង ដៃគូរប្រកួតប្រជែង

–  ដឹងអំពីហានិភ័យ,ដំណោះស្រាយ និង វិធីការពារ

-ទទូលបានកិច្ចសន្យាចូលហ៊ុនិងកិច្ចសន្យាកម្រៃជើងសារ

–  បានចោទសួសំនួរផ្ទាល់ខ្លួន,សំនួរហានិភ័យផ្សេងៗ

–  បង្កើនការទំនាក់ទំនងផ្លាស់ប្ដូរបទពិសោធន៍គ្នាទៅវិញទៅមក

ជាងនេះផងដែរ សិក្ខាកាមក៍ទទួលបានលិខិតបញ្ជាក់ការឆ្លងកាត់វគ្គនេះផងដែរ។

គួររំលឹកផងដែរថា កាលពីថ្ងៃទី ១១ ខែ កញ្ញា ឆ្នាំ ២០២០កន្លងទៅ ការិយាល័យមេធាវី BT បានរៀបចំបើកវគ្គបណ្ដុះបណ្តាលស្ដីពីហានិភ័យផ្លូវច្បាប់ក្នុងវិស័យអចលនទ្រព្យវគ្គ ដែលមានក្រុមហ៊ុនអចលនទ្រព្យចូលរួមប្រមាណជិត៣០ក្រុមហ៊ុន៕