បុរសម្នាក់ សង្ស័យមានវិបត្តិអ្វីមួយ បានសម្រេចចិត្តជិះម៉ូតូមួយគ្រឿង មកលេីស្ពានជ្រោយចង្វាចាស់ រួចលោតទឹកសម្លាប់ខ្លួន
(ភ្នំពេញ)៖ នាវេលាម៉ោង៩និង៣០នាទីយប់ ថ្ងៃទី១៥ ខែវិច្ឆិកាឆ្នាំ២០២០ នៅលើស្ពានជ្រោយចង្វាចាស់ ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ មានបុរសម្នាក់ សង្ស័យមានវិបត្តិអ្វីមួយ បានសម្រេចចិត្តជិះម៉ូតូមួយគ្រឿង មកលេីស្ពានជ្រោយចង្វាចាស់ រួចលោតទឹកសម្លាប់ខ្លួន តែបែរជាខំប្រឹងហែលមកលេីគោកវិញ រួចផុតពីសេចក្ដីស្លាប់ បង្កការភ្ញាក់ផ្អេីលដល់ប្រជាពលរដ្ឋ ។
បើយោងតាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ គេឃេីញបុរសម្នាក់បានជិះម៉ូតូមួយគ្រឿងម៉ាក ហុងដាឌ្រីមស៊េរីឆ្នាំ២០១៨ ពណ៌ខ្មៅ ពាក់ស្លាកលេខ ភ្នំពេញ 1HE-0780 តែម្នាក់ឯងមកឈប់នៅលើស្ពានជ្រោយចង្វាចាស់ ហើយក៏បានទៅតោងបង្កាន់ដៃស្ពានលោតចុះ លិចចូលទៅក្នុងទឹកបាត់ដោយបន្សល់ទុកទូរស័ព្ទ១គ្រឿង លុយចំនួន៤ម៉ឺនរៀល និងខ្សែដៃ១ខ្សែទុកនៅលើកែបម៉ូតូ របស់ខ្លួនហើយសមត្ថកិច្ច បានយកម៉ូតូ និងសម្ភារ:ជនរងគ្រោះទៅរក្សាទុកនៅប៉ុស្តិ៍នគរបាលជ្រោយចង្វា ជាបណ្តោះអាសន្ន ។
ក្រោយមក ប្រមាណជាង១០នាទី ក៏មានគេប្រទះឃើញបុរសនោះ ហែលតោងទូកអ្នកនេសាទឡើងលើគោកវិញ នៅម្តុំវត្តភ្នំ ខណ្ឌដូនពេញ។
ក្រោយមកបុរសរូបនោះ ត្រូវបានសមត្ថកិច្ចបញ្ចូនទៅកាន់ប៉ុស្តិ៍នគរបាលជ្រោយចង្វា ដើម្បីធ្វើការសាកសួរនិងណែនាំអប់រំ រួចទាក់ទងទៅក្រុមគ្រួសារ និងសាច់ញាតិមកទទួលទៅផ្ទះវិញ៕