វ៉ាស៊ីនតោន៖ រដ្ឋបាលរបស់លោក ត្រាំ ជិតដល់ថ្ងៃប្រកាសឈ្មោះក្រុមហ៊ុនអាកាសចរណ៍ចំនួន ៨៩ ក្រុមហ៊ុន និងក្រុមហ៊ុនជាច្រើនទៀតដែលមានជាជាប់ពាក់ព័ន្ធនិងយោធា ដោយធ្វើការរឹតបន្តឹងក្រុមហ៊ុនទាំងនោះ ពីការទិញទំនិញ និងបច្ចេកវិទ្យា របស់អាមេរិក។
បញ្ជីឈ្មោះក្រុមហ៊ុនទាំងនោះ អាចនឹងធ្វើឱ្យមានការកើនឡើងនូវភាពតានតឹងពាណិជ្ជកម្មជាមួយ ទីក្រុងប៉េកាំង ហើយធ្វើបាបក្រុមហ៊ុនអាមេរិក ដែលលក់ឧសហ្សាហកម្មទេសចរណ៍ទៅឱ្យចិន។
ក្រុមហ៊ុនទាំងនោះ រួមមានក្រុមហ៊ុន ផលិត យន្ត ហោះ ក្រុមហ៊ុនផលិតកប៉ាល់ ក្រុមហ៊ុនសាងសង់ រួមទាំំងក្រុមហ៊ុនបច្ចេកវិទ្យា ដូចជាក្រុមហ៊ុន ចល័តចិន និង សហប្រតិបត្តិការ Telecom ចិនជាដើម។
លោក ដូណាល ត្រាំ បានបានបង្កើនសកម្មភាពប្រឆាំងចិននៅប៉ុន្មានខែថ្មីៗនេះ កាលពី១០ថ្ងៃមុន លោកបានចេញបទបញ្ជាហាមឃាត់ការវិនិយោគអាមេរិកនៅក្នុងក្រុមហ៊ុនចិន ដែលក្រុងវ៉ាស៊ីនតោនចាត់ថាក្រុមហ៊ុនទាំងនោះគ្រប់គ្រង់ដោយយោធា។
ប្រព័ន្ធផ្សព្វផ្សាយរបស់អាមេរិក ដកស្រង់ខ្លឹមសារពីសេតវិមានថា ចិនកំពុង តែកេងចំណេញទុនវិនិយោគរបស់ អាមេរិក ដើម្បីធ្វើទំនើបកម្មយោធារបស់ខ្លួន ឱ្យមានទេពកោសល្យ ដែលជាការគំរាមកំហែង ដល់សន្តិសុខអាមេរិក។
លោក ត្រាំ អះអាងថា “សាធារណរដ្ឋចិន កំពុងកេងចំណេញ ពីទុនអាមេរិកដើម្បី អភិវឌ្ឍន៍ ធនធានយោធា បើអាមេរិកនៅតែព្រងើយចំពោះបញ្ហានេះ ប្រៀបដូចជា បើកផ្លូវ ឱ្យចិន មានអំណាចគំរាម កំហែង ដោយផ្ទាល់ទៅកាន់ទឹកដីអាមេរិក និងកងកម្លាំងអាមេរិក នៅ បរទេស”។
ក្រោមរដ្ឋការដឹកនាំរបស់លោក ត្រាំ សហរដ្ឋអាមេរិកបានសង្កត់ចិន មិនឱ្យរើបម្រាស់ ដោយធ្វើការរឹតបន្តឹង ទំនិញដែលនាំពីប្រទេសចិន ចូលក្នុងទឹកដីសហរដ្ឋអាមេរិក។
យ៉ាងណាក៏ដោយ ថ្នាក់ដឹកនាំ ចិនរំពឹងថា នឹងបញ្ចប់សង្គ្រាម ពាណិជ្ជកម្មជា មួយ សហរដ្ឋអាមេរិក ក្រោមការដឹកនាំរបស់លោកចូ បៃដិន ដែលនឹងឡើងជាម្ចាស់ ដោយខ្លួននឹងស្វែងរកការចរចាបញ្ចប់ទំនាស់ជាមួយ ម្ចាស់សេតវិមានថ្មីឆាប់ៗនេះ៕