សាហាវណាស់! បុរសជនជាតិចិនជាឪពុកបានចាក់សម្លាប់កូនស្រីតូចអាយុ ១ ខួបរបស់ខ្លួនស្លាប់ មុនរួចចាក់ខ្លួនឯងតាមក្រោយ
ករណីឃាតកម្មដ៏សាហាវមួយបានកើតមានឡើងនៅក្រុងតាខ្មៅ ដោយបុរសជនជាតិចិនជាឪពុកបានចាក់សម្លាប់កូនស្រីតូចអាយុ ១ ខួបរបស់ខ្លួនស្លាប់ មុនរួចចាក់ខ្លួនឯងតាមក្រោយ ។
ហេតុការណ៍មួយនេះដែរ បានកើតមានឡើងនៅថ្ងៃទី ២៤ ខែវិច្ឆិកា ឆ្នាំ ២០២០ វេលាម៉ោង ៧ និង ១០ នាទីយប់ នៅបន្ទប់លេខ ១០១ ផ្ទះសំណាក់ មង្គលភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្ដាល ។
ជនដៃដល់ មានឈ្មោះ ភីន ភីន ភេទប្រុស អាយុ ៣០ ឆ្នាំ ជាជនជាតិចិន ស្នាក់នៅភូមិ សង្កាត់ កើតហេតុខាងលើ និង ជនរងគ្រោះត្រូវជាកូនស្រីបង្កើត មានឈ្មោះ ទ័រ ទ័រ អាយុ ១ ឆ្នាំ ។
មុនមុនពេលកើតហេតុ ម្តាយ កុមារី រងគ្រោះឈ្មោះ ធុង ចាន់រះ អាយុ ៣០ ឆ្នាំ បានរត់ចោលប្តី ជាជនជាតិចិន និង កូនស្រីតូច របស់ខ្លួន នៅភូមិសង្កែរោង ឃុំរហាស់ ស្រុករវៀង ខេត្តព្រះវិហា មកជួលបន្ទប់លេខ១០១ផ្ទះសំណាក់មង្គល ស្ថិតនៅក្នុងភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល អស់រយៈពេល ជាង១ខែមកហើយ លុះបានប្រហែល១០ថ្ងៃមុន ឃើញជនសង្ស័យបានបីកូនស្រីតូចរបស់ខ្លួន តាមរកឃើញម្តាយ នៅផ្ទះសំណាក់ខាងលើ ហើយបានរស់នៅជាមួយគ្នារហូតមកដល់ថ្ងៃកើតហេតុលុះមកដល់វេលាម៉ោង១៤.០០ នាទី ស្រាប់តែឃើញជនសង្ស័យបានឈ្លោះប្រកែក ជាមួយម្តាយ ជនរងគ្រោះយ៉ាងខ្លាំង ហើយម្តាយជនរងគ្រោះ ក៏បានចេញពីបន្ទប់ផ្ទះសំណាក់បាត់ទៅ។
លុះមកដល់វេលាកើតហេតុខាងលើ ស្រាប់តែជនសង្ស័យ បានយកកន្រ្តៃចាក់កូនខ្លួនឯងជាច្រើនកន្រ្តៃបណ្តាល ឲ្យដេកស្លាប់លើពូក ហើយចាក់ខ្លួនឯង បណ្តាលមានរបួសស្នាម បន្ទាប់មកពូ របស់កុមារី រងគ្រោះបានឃើញក្មួយ រងគ្រោះមានឈាមច្រើននៅក្នុងបន្ទប់ទឹក បន្ទាប់មកបានដឹកកុមារីរងគ្រោះ មកសង្គ្រោះនៅមន្ទីរពេទ្យជ័យជំនះប៉ុន្តែកុមារីរងគ្រោះ បានស្លាប់បាត់ទៅហើយ ។
បច្ចុប្បន្ន ជនដៃដល់ត្រូវបានសមត្ថកិច្ចឃាត់ខ្លួន និងដឹកយកទៅសង្គ្រោះ ហើយកសាងសំណុំរឿង បន្តចាត់ការតាមនីតិវិធីច្បាប់ ៕
ប្រភព៖ ស្នងការដ្ឋាននគរបាលខេត្តកណ្ដាល