ម៉ូតូPCX ១គ្រឿងបើកវ៉ាជែងគ្នាជាមួយកង់បីឥណ្ឌាបណ្ដាលឱ្យប៉ះដៃចង្កូតផ្លោងទៅបុកចូលក្រោមរថយន្តស៊េរីទំនើបដែលគេចតនៅចិញ្ចឹមផ្លូវ
ភ្នំពេញ៖ ហេតុការណ៍គ្រោះថ្នាក់ចរាចរណ៍មួយបានកើតឡើងរវាងម៉ូតូកង់បីឥណ្ឌាបេីកវ៉ាជែងជាមួយម៉ូតូPCX បណ្ដាលឱ្យទាក់ដៃចង្កួតគ្នាទើបជ្រុលទៅបុកចូលពីក្រោមរថយន្ដស៊េរីទំនេីបម៉ាកRange Rover ដែលបានចត់ចោល ធ្វើអោយម្ចាស់ម៉ូតូរងរបួសធ្ងន់ត្រូវបានបញ្ជូនទៅសង្រ្គោះមន្ទីពេទ្យភ្លាមៗនៅឯមន្ទីពេទ្យ។
ហេតុការណ៍នេះបានកើតឡើងកាលពីវេលាម៉ោង ១០ និង ១៥ នាទីព្រឹក ថ្ងៃទី ៥ ខែធ្នូ ឆ្នាំ ២០២០ ស្ថិតតាមបណ្ដោយផ្លូវមាត់ទន្លេ ក្នុងសង្កាត់ជ្រោយចង្វារខណ្ឌជ្រោយចង្វាររាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេបានឃើញម៉ូតូកង់បីឥណ្ឌាមួយគ្រឿងមិនចាំស្លាក់លេខបើកធ្វើដំណើរស្រប់ទិសដៅគ្នាជាមួយនឹងម៉ូតូPCX ពណ៍សពាក់ស្លាកលេខភ្នំពេញ1~ HA -0492 បើកតាមបណ្ដោយផ្លូវមាត់ទន្លេរស្របទិសគ្នា ខណះពេលមកដល់ចំណុច កេីតហេតុខាងលើក៍បានបេីកវ៉ាជែង រួចទាក់ដៃចង្កួតនិងម៉ូតូខាងលេីដួលហើយផ្លោងចូលទៅក្រោមរថយន្ដម៉ាកRange Roverមានស្លាក់លេខ ភ្នំពេញ 2BK ~9667 ដែលចត់ចោលក្បែរផ្លូវពីក្រោយពេញទំហឹងបណ្ដាលឱ្យរងការខូចខាតរថយន្តយ៉ាងដំណំ ចំណែកម្នាក់ម៉ូតូ បានរងរបួសធ្ងន់ត្រូវបានរថយន្ដសង្រ្គោះបន្ទាន់របស់មន្ទីរពេទ្យកាល់ម៉ែតដឹកយកទៅសង្រ្គោះភ្លាមៗ ៕
ប្រភពដដែលបានបញ្ជាក់ទៀតថា ក្រោយពីកេីតហេតុបានឃេីញក្រុមគ្រួសារជនរងគ្រោះចុះមកដល់កន្លែងនោះ ហេីយនិយាយចរចាជាមួយនិងម្ចាស់រថយន្តតែសំណាងល្អការនិយាយសម្របសម្រួលនោះម្ចាស់រថយន្តមិនទាមទារសំណងពីជនរងគ្រោះនោះទេ គាត់គ្រាន់តែសំណូមពរឲ្យបងប្អូនប្រជាពលរដ្ឋបើកបរគោរពច្បាប់ចរាចរណ៍ដេីម្បីកាត់បន្ថយ ការគ្រោះថ្នាក់ចរាចរណ៍ទាំងអស់គ្នាប៉ុណ្ណោះ ៕
ក្រោយពេលកើតហេតុសមត្ថកិច្ចមូលដ្ឋានក៏បានចុះមកដល់ដើម្បីធ្វើការយកម៉ូតូរបស់ជនរងគ្រោះ ទៅរក្សាទុកនៅឯប៉ុស្ដិ៍នគរបាលរដ្ឋបាលជ្រោយចង្វារដេីម្បីរងចាំក្រុមគ្រួសារជនរងគ្រោះមកទទួលយកមកម៉ូតូវិញ ។