ក្រសួងសុខាភិបាល បានចេញមកច្រានចោលទាំងស្រុងនូវព័ត៌មានដែលបង្ហោះ និងចែកចាយលើគណនី Facebook ចំនួន៣ ដែលនិយាយពីវិធីសាស្ត្រព្យាបាលជំងឺកូវីដ១៩
(ភ្នំពេញ)៖ នៅថ្ងៃទី០៧ ខែធ្នូ ឆ្នាំ២០២០នេះ ក្រសួងសុខាភិបាល លោកស្រី ឱ វណ្ឌឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានចេញមកច្រានចោលទាំងស្រុងនូវព័ត៌មានដែលបង្ហោះ និងចែកចាយលើគណនី Facebook ចំនួន៣ ដែលនិយាយពីវិធីសាស្ត្រព្យាបាលជំងឺកូវីដ១៩ ដោយខ្លួនឯង តាមរយៈការប្រើប្រាស់ថ្នាំពេទ្យ និងថ្នាំបុរាណ។
លោកស្រី ឱ វណ្ឌឌីន បានអំពាវនាវដល់ប្រជាពលរដ្ឋ សូមកុំជឿតាមព័ត៌មានការបំពុលសង្គមទាំងនេះ បើមានអាការៈមិនស្រួលសូមទៅពិនិត្យ និងព្យាបាលនៅមន្ទីរពេទ្យឲ្យបានត្រឹមត្រូវ ចៀសវាងមានគ្រោះថ្នាក់ដល់ជីវិត។
ជាមួយគ្នានេះ លោកស្រីរដ្ឋលេខាធិការ ក៏បានស្នើដល់អាជ្ញាធរមានសមត្ថកិច្ច ជួយចាត់វិធានការតាមផ្លូវច្បាប់ផង ចំពោះអ្នកដែលបានផ្សព្វផ្សាយព័ត៌មានបំភ្លៃសង្គមបែបនេះ៕
