កណ្តាល៖ ជនសង្ស័យម្នាក់ ត្រូវបានកម្លាំងកម្លាំងប៉ុស្តិ៍នគរបាលស្អាងភ្នំ ធ្វើការឃាត់ខ្លួនដោយជាប់ពាក់ព័ន្ធករណី ជួញដូរដោយខុសច្បាប់នូវសារធាតុញៀន(ម៉ាទឹកកក) ។កើតហេតុ ៖ ថ្ងៃ ច័ន្ទ ០៧រោច ខែមិគសិរ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ០៧ ខែធ្នូឆ្នាំ២០២០ វេលាម៉ោង២១និង១៤នាទី។
នៅចំណុច ៖ ក្នុងព្រៃ ស្ថិតក្នុងភូមិគោកអណ្តែត ឃុំស្អាងភ្នំ ស្រុកស្អាង ខេត្តកណ្ដាល។ថ្ងៃខែឆ្នាំឃាត់ខ្លួន ៖ ថ្ងៃ សៅរ៍ ១២រោច ខែមិគសិរ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ១២ ខែធ្នូឆ្នាំ២០២០ វេលាម៉ោង ១០និង៥៥នាទី នៅចំណុចភូមិ គោកអណ្តែត ឃុំស្អាងភ្នំ ស្រុកស្អាងខេត្តកណ្តាល ។
ជនសង្ស័យឈ្មោះ ហ៊ាង សារាជ ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដស្នាក់នៅភូមិគោកអណ្តែត ឃុំស្អាងភ្នំ ស្រុកស្អាង ខេត្តកណ្ដាល ។ មានសារធាតុញៀនក្នុងទឹកនោម (វិជ្ជមាន +) និងធ្លាប់ជាប់ពន្ធនាគារព្រៃស រាជធានីភ្នំពេញ ចំនួន ០១លើក ពីបទ រក្សាទុកដោយខុសច្បាប់នូវសារធាតុញៀន កាលពីឆ្នាំ២០១៩) ។
វត្ថុតាងចាប់យក១ / ម្សៅក្រាមពណ៌សថ្លាសង្ស័យជាសារធាតុញៀន(ម៉ាទឹកកក) ១០កញ្ចក់ ក្នុងនោះ ធំ ០២កញ្ចប់ និងតូច ០៨កញ្ចប់ ។២ / ទូរស័ព្ទ ចំនួន ០១គ្រឿង ពណ៍ ស ប្រើលេខ016715102 ។ (ចាប់យកថ្ងៃទី០៧ ខែធ្នូ ឆ្នាំ២០២០)៣ / ទូរស័ព្ទចំនួន ០១គ្រឿង ម៉ាក សាមសុង ពណ៍ក្រហម ប្រើលេខ0963597668 ។ (ចាប់យកថ្ងៃទី ១២ ខែធ្នូ ឆ្នាំ២០២០)
៤ / ដែកកេះ ចំនួន ០២ , កន្ត្រៃ ចំនួន ០១ និងកញ្ចប់បារី ចំនួន ០១ ។៥ / សំភារៈវេចខ្ចប់គ្រឿងញៀនមួយចំនួន ។
សមត្ថកិច្ចឲ្យដឹងថាកាលថ្ងៃ ០៧ ខែធ្នូ ឆ្នាំ២០
២០វេលាម៉ោង២១និង១៤នាទី មានប្រជាព
លរដ្ឋល្អបានរាយការណ៍ថាមានសកម្មភាពចែកចាយគ្រឿងញៀន នៅចំណុចកើត
ហេតុខាងលើ ភ្លាមនោះកម្លាំងប៉ុស្តិ៍នគរបាលស្អាងភ្នំ បានចេញដំណើរជិតទៅដល់កន្លែងកើតហេតុ ដោយភូមិសាស្រ្តស្មុគស្មាញក្នុងព្រៃ ជនសង្ស័យឈ្មោះ ហ៊ាង សារាជ បានឃើញសមត្ថកិច្ច ក៍បានរត់គេចខ្លួនបាត់ ដោយបន្សល់ទុកនូវម្សៅក្រាមពណ៍សថ្លាសង្ស័យជាសារធាតុញៀន(ម៉ាទឹកកក)ចំនួន ១០កញ្ចប់ ក្នុងនោះ ធំ ០២កញ្ចប់ , តូច ០៨កញ្ចប់ ទូរស័ព្ទចំនួន ០១គ្រឿង ពណ៍ស , និងសំភារៈវេចខ្ចប់គ្រឿងញៀនមួយចំនួន នៅកន្លែងកើតហេតុ កម្លាំងសមត្ថកិច្ចបានបង្កើតគណកម្មការចាប់យកវត្ថុតាង បញ្ជូនមកអធិការដ្ឋាននគរបាលស្រុក ដើម្បីស៊ើបអង្កេតស្រាវជ្រាវ ។
សមត្ថកិច្ចបន្តថាលុះនៅថ្ងៃទី១២ ខែធ្នូ ឆ្នាំ២០២០ កម្លាំងប៉ុស្តិ៍នគរបាលស្អាងភ្នំ បានចេញល្បាតដល់ចំណុចភូមិ គោកអណ្តែត ឃុំស្អាងភ្នំ ស្រុកស្អាង ខេត្តកណ្តាល ប្រទះឃើញឈ្មោះ ហ៊ាងសារាជ ក៏បានធ្វើការត្រួតពិនិត្យ ប៉ុន្តែមិនមានវត្ថុតាងឬសំភារៈអ្វីឡើង មានតែទូរស័ព្ទចំនួន០១គ្រឿង ម៉ាក សាមសុង ពណ៍ក្រហម ប្រើលេខ0963597668 ។តាមការសារសួរបឋមនៅកន្លែងត្រួតពិនិត្យ ឈ្មោះ ហ៊ាង សារាជ បានសារភាពថា គ្រឿងញៀន(ម៉ាទឹកកក)ចំនួន១០កញ្ចប់ កាលពីថ្ងៃទី ០៧ ខែធ្នូ ឆ្នាំ២០២០ ជារបស់ខ្លួន ។
–ឈ្មោះ ហ៊ាង សារាជ បានបន្ថែមទៀតថា គ្រឿងញៀន(ម៉ាទឹកកក)ចំនួន ១០កញ្ចប់ ខ្លួនបានពីឈ្មោះ រ៉ុង គុយសាន ភេទប្រុស អាយុ១៩ឆ្នាំ នៅភូមិ គោកអណ្តែត ឃុំស្អាងភ្នំ ទុកអោយខ្លួនលក់ក្នុង០១កញ្ចប់តូច តម្លៃ១៥,០០០៛ ។
–បច្ចុប្បន្នជនសង្ស័យបានបញ្ជូនមកអធិការដ្ឋាននគរបាលស្រុកស្អាង ដើម្បីកសាងសំណុំតាមនីតិវិធី ។